ამურ შარანგია

დაბადების ადგილი: სოფელი მუხური, გალის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი მშენებლობის ინჟინერ-ტექნოლოგის სპეციალობით 1962 წელს.

მუშაობდა კასპის ცემენტ-შიფერის კომბინატში საამქროს უფროსად; მივლინებული იყო კუბის რესპუბლიკაში მინისტრის მრჩევლად, მთავარ ინჟინრად; წლების განმავლობაში მუშაობდა საქართველოს სამშენებლო ინდუსტრიის სხვადასხვა საწარმოებში: მეტეხის საშემ მასალათა კომბინატში დირექტორად, მთავარ ინჟინრად რუსთავის ცემენტის ქარხანაში, სააქციო საზოგადოება "სილიკატის" დირექტორად; არის ოთხი გამოგონების და რამდენიმე რაციონალური წინადადების ავტორი; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.608