ილია შარაშენიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1982 წელს; დაუსწრებლად დაამთავრა თბილისის ი. ჭავჭავაძის სახელობის უცხო ენების ინსტიტუტი ინგლისური ენის სპეციალობით 1984 წელს; სწავლობდა ქ. მოსკოვის ქალაქმშენებლობის ინსტიტუტის ასპირანტურაში 1985-1989წწ; დაამთავრა საქართველოს სახალხო მეურნეობის მართვის ინსტიტუტი 1990 წელს.

1979 წელს მუშაობა დაიწყო საპროექტო ინსტიტუტ "თბილქალაქპროექტში" ინჟინერ-არქიტექტორად; 1990-1993წწ. მუშაობდა საქართველოს არქიტექტორთა კავშირში სწავლულ მდივნად; 1989-1994წწ. ასევე ხელმძღვანელობდა არქიტექტურულ-საპროექტო კომპანია "აია"-ს; 1998 წელს მუშაობდა ქ. თბილისის არქიტექტურის სამსახურში ისტორიული რაიონის სამმართველოში მთავარ სპეციალისტად; 2001 წელს დაინიშნა არქიტექტურულ-გეგმარებითი საბჭოს პასუხისმგებელ მდივნად; 2003 წელს კი ქ. თბილისის არქიტექტურის სამსახურში კონტროლის განყოფილების უფროსად; 2005 წლიდან ქ. თბილისის მიწის მართვისა და განკარგვის კომისიის უფროსი იყო; 2007 წელს დაინიშნა სამშენებლო-დეველოპერული კომპანია "ოლიმპიური ვარსკვლავი" მთავარ არქიტექტორად; მისი ძირითადი ობიექტებია: თაბუკაშვილის ქუჩის რეკონსტრუქცია თბილისში; "დიდი დიღომის" დეტალური ფაგეგმარება; საცხოვრებელი კომპლექსი "ორთაჭალის ბაღები", დიდი ხეივნის მრავალფუნქციური საცხოვრებელი კომპლექსი და სხვა ქალაქმშენებლობითი ობიექტები; მოცულობითი არქიტექტურის ობიექტები - მრავალფუნქციური კომპლექსი "დიდუბის ვარსკვლავი" წერეთლის გამზირზე; სასტუმრო კომპლექსი "შავი ზღვის ვარსკვლავი" გონიოში; საცხოვრებელი კომპლექსი მგალობლიშვილის ქუჩაზე თბილისში; 2009 წლიდან ხელმძღვანელობს ქართულ-აზერბაიჯანულ კომპანიებს "ბაზალტ-დიზაინსა" და "ბაზალტ-კონსტრაქშენს".

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.609

• საქართველოს არქიტექტორთა კავშირი, გამგეობის წევრი
• საქართველოს არქიტექტორთა კავშირი, წევრი (1984-)