კობა ლიკლიკაძე

დაამთავრა თბილისის სახელმწიფო უნივერსიტეტის ფილოლოგიის ფაკულტეტი. გაიარა სამხედრო ჟურნალისტიკის გადასამზადებელი სპეციალური კურსები გერმანიაში, შვეიცარიასა და აშშ-ში.

1990-1993წწ. გაზეთ "საქართველოს" ჟურნალისტი; 1993-1998წწ. თავდაცვის სამინისტროს პრესცენტრის უფროსი; 1998-2000წწ. თავდაცვის სამინისტროს პრეს-მდივანი. იყო რადიო თავისუფლების ქართული სამსახურის ჟურნალისტი, ავტორი ყოველკვირეული პროგრამისა "დაბრკოლების ზოლი", რომელშიც შუქდებოდა სამხედრო პოლიტიკისა და უსაფრთხოების საკითხები. რადიოს ქართული სამსახურის საიტის მუდმივი ბლოგერი. 2001 წლიდან მუშაობდა რადიო თავისუფლებაში. 1992-1993წწ. როგორც კორესპონდენტი აშუქებდა ქართულ-აფხაზურ კონფლიქტს, მუშაობდა საერთაშორისო ცხელ წერტილებში-კოსოვოსა და ერაყში, აშუქებდა 2008 წლის აგვისტოს რუსეთ-საქართველოს ხუთდღიან ომს, რისთვისაც დაჯილდოებულია რადიო თავისუფალი ევროპა/რადიო თავისუფლების სპეციალური მოწმობით. კითხულობდა ლექციებს სამხედრო აკადემიასა და თბილისის სახელმწიფო უნივერსიტეტში, მუშაობდა გაზეთებში "საქართველო" და "კავკასიონი", უძღვებოდა რამდენიმე პოლიტიკურ ტოკშოუს "საზოგადოებრივ მაუწყებელზე", "ტელეკომპანია 202"- სა და "საქართველოში". გამოქვეყნებული აქვს მრავალი სტატია ქართულ, რუსულ და ინგლისურენოვან გამოცემებში, "IWPR"-ისა და "Jamestown Foundations"-ის კვლევითი ინსტიტუტების საიტებზე სამხედრო მშენებლობის პრობლემებზე, საქართველო-ნატოს ურთიერთობებზე, იარაღის უკანონო ვაჭრობაზე და სხვა. ექსპერტი სამხედრო საკითხებში.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.287; radiotavisupleba.ge