ნოდარ შარტავა

დაბადების ადგილი: ქ. ზუგდიდი.

დაამთავრა მოსკოვის კუიბიშევის სახელობის საინჟინრო-სამშენებლო ინსტიტუტის სამშენებლო ფაკულტეტი 1959 წელს.

1962-1965წწ. პრაქტიკული საქმიანობა დაიწყო იმავე წელს სამშენებლო ტრესტ "საქჰიდროენერგომშენში"; მუშაობდა "ლაჯანურჰესისა" და "სიონჰესის" მშენებლობებზე ინჟინრად, განყოფილების უფროსად; იყო "ენგურჰესის" მშენებლობის სამმართველოს ინჟინერი; 1966-1968წწ. მივლინებით იმყოფებოდა არაბეთის რესპუბლიკაში ელექტროგადამცემი ხაზების მშენებლობაზე; სამშობლოში დაბრუნების შემდეგ მუშაობდა "ენგურჰესის" მაღლივი კაშხლის მშენებლობის სამმართველოში, გაიარა ყველა სამსახურებრივი საფეხური, უბნის ოსტატობიდან სამმართველოს უფროსობამდე; 1964 წლიდან მოსკოვში გადადის სამუშაოდ და "მოსენერგოს" სამმართველოში ჯერ მთავარი ინჟინრის მოადგილეა, ხოლო 1995 წელს დაინიშნა მოსკოვის თბილელექტროსადგურის "ტეც-27"-ის სამშენებლო სამმართველოს უფროსად; იმავე წელს გადაყვანილ იქნა "მოსენერგოს" "ტეც-27"-ის დირექციის კაპიტალური მშენებლობის განყოფილების უფროს ინჟინრად, განყოფილების უფროსის მოადგილედ; მისი მონაწილეობით გაიშვა N1, 2, 3 და 4 აგრეგატები და მთლიანად "ტეც-27" ექსპლუატაციაში (სიმძლავრით 1100 კვარ); 2009 წლიდან კვლავ საქართველოშია და აქტიურად მოღვაწეობს ენერგეტიკული ობიექტების მშენებლობასთან დაკავშირებული პრობლემების კვლევებსა და შეფასებაბში; არის მრავალი რეკომენდაციის ავტორი; ტექნიკის მეცნიერებათა კანდიდატი (1990); მიღებული აქვს სახელმწიფო ჯილდოები; 2014 წელს გამოსცა წიგნი "ენგურის ერთგული მეც ვარ".

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.610; facebook.com

• საქართველოს ენერგეტიკის აკადემია, ნამდვილი წევრი (2015-)

• მედალი "შრომითი მამაცობისთვის"
• საპატიო ნიშნის ორდენი
• საქართველოს დამსახურებული ინჟინერი