ხონძი შელია

დაბადების ადგილი: ქ. თბილისი.

დაამთავრა მოსკოვის საკავშირო პოლიტექნიკური ინსტიტუტის სამშენებლო ფაკულტეტი 1960 წელს.

მუშაობდა მოსკოვში, სამეცნიერო კვლევით ინსტიტუტ "რკინაბეტონში" ინჟინრად, უფროს ინჟინრად, ჯგუფის ხელმძღვანელად, N17 რკინაბეტონის ქარხნის ტექნიკური განყოფილების უფროსად; 1975 წლიდან იყო "ენგურჰესის" მშენებლობის სამმართველოს ბეტონის ხარისხის კონტროლის განყოფილების უფროსი, სამშენებლო სამმართველო "კაშხალმშენის" მთავარი ინჟინრის მოადგილე, სამშენებლო სამმართველო "გვირაბმშენის" უფროსი, ენგურის ჰესების კასკადის მშენებლობის გაერთიანებული დირექციის დირექტორი; მუშაობდა საქართველოს სასოფლო მშენებლობის სამინისტროს N12 სამშენებლო ტრესტის მმართველად, საპროექტო ინსტიტუტ "თბილჰიდროპროექტის" კონსულტანტად; ხელმძღვანელობდა "ენგურჰესის" 12-კილომეტრიანი გვირაბისა და ენგურის ჰესების კასკადის სხვა მნიშვნელოვანი ობიექტების მშენებლობას. მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.611-612; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.367

• შრომის წითელი დროშის ორდენი
• საქართველოს დამსახურებული ინჟინერი