ავთანდილ შენგელია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ხიდებისა და გვირაბების მშენებლობის სპეციალობით 1962 წელს.

1962-1964წწ. მუშაობდა ქ. სარატოვში, ვოლგისპირეთის ხიდმშენებელ ტრესტში ოსტატად; 1964-1965წწ. მუშაობდა ქ. რუსთავში, საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენში" მთავარ ენერგეტიკოსად; 1970-1980წწ. ამავე ტრესტის სამშენებლო სამმართველო "სინთეზმშენის" მთავარ ინჟინრად, N3 სამშენებლო სამმართველოს უფროსად; 1980-1988წწ. იყო საქართველოს ადგილობრივი მრეწველობის სამინისტროს მშენებარე ობიექტების დირექტორი; 1988 წლიდან საქართველოს მშენებლობის გაერთიანებელი სამინისტროს N11 სამშენებლო ტრესტის ("ელევატორმშენი") მთავარი ინჟინერი; მონაწილეობდა 2400-მეტრიანი ხიდის მშენებლობაში მდინარე ვოლგაზე, ასევე კაპროლაქტამის წარმოებისა და ქიმკომბინატის, მეტალურგიული ქარხნის ობიექტებისა და საამქროების მშენებლობა - რეკონსტრუქციაში (ქ. რუსთავში), ლილოს სასოფლო-სამეურნეო იარაღების ქარხნის, წისქვილკომბინატების, ღვინის ქარხნების და სხვა სამრეწველო ობიექტების, ასევე, საცხოვრებელი სახლების, სკოლებისა და საბავშვო ბაღების მშენებლობაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.612