ზურაბ ლოლაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1976 წელს.

1978-1991წწ. იყო საქართველოს სახელმწიფო ტელევიზიის ხალხური შემოქმედების რედაქციის განყოფილების გამგე; მუსიკალურ გადაცემთა რედაქციის რედაქტორი, გადაცემა "მოამბის" კულტურისა და მეცნიერების განყოფილების გამგე; 1986-2004წწ. ანსამბლების: "ჟურნალისტი", "ქართული ხმები" - სოლისტი. 2004 წლიდან იყო ანსამბლ "სიმის" სოლისტი. სხვადასხვა წლებში ჩაწერილი აქვს გრამფირფიტის ორი ალბომი ანსამბლ "ჟურნალისტთან" ერთად; ანსამბლ "სიმთან" ერთად დივიდი და კომპაქდისკები; საფრანგეთში - კომპაქდისკები: "ქართული ხმები", "წლები" და "ხსოვნა". არის თაანაავტორი შვიდნაწილიანი ვიდეო სერიალისა "ქართული ხმები სცენაზე და სცენის მიღმა". ანსაბლ "ქართული ხმების" დირექტორი.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.290; georgianvoices.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.361

• საქართველოს ჟურნალისტთა კავშირი, წევრი
• სსრკ ჟურნალისტთა კავშირი, წევრი (1981-1987)

• 1999 - ღირსების ორდენი
  ქართული კულტურის განვითარებაში, მის პოპულარიზაციაში შეტანილი პირადი წვლილისათვის, მაღალი პროფესიონალიზმისა და ნაყოფიერი შემოქმედებითი, პედაგოგიური და საზოგადოებრივი მოღვაწეობისათვის
• საქართველოს სახელმწიფო პრემია