გივი შენგელია

დაბადების ადგილი: ქ. სამტრედია.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1966 წელს.

1966-1971წწ. მუშაობდა რუსთავის მეტალურგიულ ქარხანაში ელექტრიკოსად, საამქროს უფროსად; 1971-1975წწ. ტრესტ "სამტრედიაგაზის" განყოფილების უფროსად; 1975-1995წწ. იყო საქართველოს სასოფლო მშენებლობის სამინისტროს სამტრედიის N16 სამშენებლო-სამონტაჟო ტრესტის (შემდგომ - "სოფმშენმონტაჟი") მმართველის მოადგილე, მთავარი ინჟინერი, მმართველი; 1995 წლიდან სს "სოფმშენმონტაჟის" გენერალური დირექტორი; მონაწილეობდა დასავლეთ საქართველოში სასოფლო მშენებლობის სამინისტროს ეგიდით წარმოებულ სასოფლო-სამეურნეო, გადამამუშავებელი მრეწველობის, სოციალურ-საყოფაცხოვრებო ობიექტების მშენებლობაში; ხელმძღვანელობდა სპეციალიზებული სამონტაჟო სამუშაოების შესრულებას; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.613