გურამ შენგელია

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის ხიდებისა და გვირაბების ფაკულტეტი ინჟინერ-მშენებლის კვალიფიკაციით 1961 წელს.

1961 წელს მუშაობა დაიწყო "ხრამჰესი-II" მშენებლოლბაზე მშენებელ ოსტატად; 1964-1965წწ. მუშაობდა "ენგურჰესის" მშენებლობის დირექციაში; 1965-1967წწ. საპროექტო ინსტიტუტ "სოიუზდორპროექტში" ინჟინერ-დამპროექტებლად; 1967-1970წწ. მუშაობდა საქართველოს მშენებლობის სამინისტროს N15 სამშენებლო-სამონტაჟო ტრესტის სახლმშენებელი კომბინატის საამქროს უფროსად, უბნის უფროსად; 1970-1972წწ. სამსახურებრივი მივლინებით იმყოფებოდა მონღოლეთის სახალხო რესპუბლიკაში სსრკ მშენებლობის სამინისტროს ტრესტ "ზაგრანენერგოსტროიმონტაჟის" კომპლექსური მშენებლობის უფროსად; 1973-1974წწ. საქართველოს სასოფლო მშენებლობის სამინისტროს ტექნიკური განყოფილების უფროსი; 1974-1977წწ. საქართველოს მშენებლობის სამინისტროს "ლითონკონსტრუქციების" სამართველოს უფროსი; 1977-1979წწ. ამავე სამინისტროს მრეწველობის მთავარი სამმართველოს უფროსი; 1979-1984წწ. მუშაობდა გაერთიანება "საქსოფლტექნიკის" კომპლექტაციისა და მომარაგების სამმართველოს უფროსად; 1984-1988წწ. საქართველოს მშენებლობის სამინისტროს საწარმოო სამშენებლო გაერთიანება "საქმონოლითმშენის" უფროსის მოადგილე; 1988-1993წწ. მუშაობდა თბილისის სატრანსპორტო გაერთიანების სპეც. სამმართველოს უფროსად; 1994-1995წწ. იყო მოსკოვის მინის ქარხნის დირექტორის მოადგილე კაპიტალური მშენებლობის დარგში; 2011 წლიდან საქართველოს საპატრიარქოსთან არსებული ჩოხოსანთა საზოგადოების პასუხისმგებელი მდივანი და უხუცესთა საბჭოს წევრია; მონაწილეობდა "ბაიკალ-ამურის" სარკინიგზო მაგისტრალის მშენებლობაში; 1966-1967წწ. უზბეკეთის დედაქალაქ ტაშკენტის აღდგენით სამუშაოებში, ათვისებული და დანერგილი აქვს რამდენიმე რაციონალიზატორული წინადადება მშენებლობაში ქარხნული წარმოების კონსტრუქციების გამოყენებასა და მონტაჟთან დაკავშირებით; 1965-1967წწ. საპროექტო ინსტიტუტ "სოიუზდორპროექტში" მუშაობის პერიოდში მონაწილეობდა ბაღდათის რაიონის სოფ. ვარციხეში მდ. დიმის ხიდის, ხოლო ქ. მაიკოპში (რუსეთი) საავტომობილო ხიდის დაპროექტებაში; ამავე წლებში მონაწილეობა აქვს მიღებული საკავშირო მნიშვნელობის "სოჭი-სოხუმის" ავტომაგისტრალის დაპროექტებაში; 1988-1993წწ. მუშაობდა თბილისის სატრანსპორტო გაერთიანებაში მუშაობისას მისი ხელმძღვანელობით განხორციელდა ხაზის მშენებლობა დიღმის მასივში (ლუბლიანას ქუჩაზე) და აღდგენილ იქნა 1991-1992წწ. სამოქალაქო კონფლიქტის დროს დანგრეული სატროლეიბუსო ხაზები; დაჯილდოებულია მონღოლეთის სახალხო რესპუბლიკის "რევოლუციისა" და "მეგობრობის" ორდენებით; ასევე საუწყებო საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.614