ვანო შენგელია

დაბადების ადგილი: ქ. სამტრედიაში.

დაამთავრა საქართველოს პოლიტექნიკური ინსტიტუტი 1939 წელს.

1939 წლიდან მუშაობდა თბილისის თბოელექტროსადგურისა და სარკინიგზო საწარმოთა მშენებლობაზე, ამიერკავკასიის რკინიგზის სამშენებლო უფროსის მოადგილედ, ამიერკავკასიის რკინიგზის სამმართველოს საბინაო-სამშენებლო სამსახურის კაპიტალური მშენებლობის განყოფილების უფროსად; მუშაობდა ამიერკავკასიის რკინიგზის ტრანსპორტის ინჟინერთა ინსტიტუტში სამეცნიერო-პედაგოგიურ სამუშაოზე, სამშენებლო წარმოების კათედრაზე; 1948 წელს ქ. გორკში (ნიჟნი ნოვგოროდი) დაიცვა საკანდიდატო დისერტაცია და არჩეულ იქნა დოცენტის თანამდებობაზე; კითხულობდა ლექციებს დისციპლინებში: "მშენებლობის ორგანიზაცია და სამშენებლო წარმოების ტექნოლოგია, შენობათა ექსპლუატაცია და სხვა"; პარალელურად ეწეოდა სამეცნიერო-კვლევით მოღვაწეობას, აქვეყნებდა სამეცნიერო სტატიებს; წლების განმავლობაში საქართველოს პოლიტექნიკურ ინსტიტუტში დოცენტად მუშაობის შემდეგ, 1977 წელს კონკურსის წესით მას ირჩევენ ივანე ჯავახიშვილის სახელობის თბილისის სახელმწიფო უნივერსიტეტის მენეჯმენტისა და მიკროეკონომიკის ფაკულტეტის წარმოების ტექნიკისა და ტექნოლოგიების კათედრის პროფესორად; ტექნიკურ მეცნიერებათა დოქტორი (1995); დამუშავებული და გამოქვეყნებული აქვს 150-ზე მეტი სამეცნიერო და პედაგოგიური ხასიათის ნაშრომები, რომლებიც დანერგილი იქნა სამშენებლო წარმოებაში საქართველოში, ჩეხოსლოვაკიაში, უზბეკეთში, გერმანიასა და რუსეთში; გამოქვეყნებული აქვს 6 მონოგრაფია და 5 სახელმძღვანელო; არის 4 დანერგილი გამოგონების ავტორი მსხვილპლანიანი კონსტრუქციების დამზადების ტექნოლოგიაში; აღსანიშნავია მის მიერ 2002 წელს გამოცემული სახელმძღვანელო "სამშენებლო წარმოების ტექნოლოგია".

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.615-616

• საქართველოს საინჟინრო აკადემია, საპატიო წევრი

• ივანე ჯავახიშვილის სახელობის მედალი
• ღირსების ორდენი

• სამშენებლო წარმოების ტექნოლოგია : საკურსო და სადიპლომო პროექტირება (ავტორი). - თბილისი, ტექნიკური უნ-ტის გამ-ბა, 2002. - 328გვ.
• სამშენებლო წარმოების საკითხები (ავტორი). - თბილისი, თბილ.უნ-ტის გამ-ბა, 1990. - 448გვ.