კონსტანტინე შენგელია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1969 წელს.

მუშაობდა საქართველოს საბინაო-კომუნალური მეურნეობის სამინისტროს სისტემაში და გაიარა ყველა სამსახურებრივი საფეხური ინჟინრიდან კაპმშენებლობის განყოფილების მთავარ ინჟინრობამდე; იყო ქ. თბილისის კალინინის რაისაბჭოს აღმასკომის თავმჯდომარის პირველი მოადგილე, თბილისის ინდივიდუალური ბინათმშენებლობის სამმართველოს უფროსი, თბილისის მიწის მართვის დეპარტამენტის თავმჯდომარე; მონაწილეობდა ქ. თბილისის მნიშვნელოვანი საზოგადოებრივი, კულტურულ-საყოფაცხოვრებო, საბინაო, კომუნალური და წყალ-საკანალიზაციო ობიექტების მშენებლობაში; ხელმძღვანელობდა დედაქალაქის მიწისა და უძრავი ქონების საკადასტრო-სარეგისტრაციო სისტემის შექმნას და განვითარებას; მიღებული აქვს სახელმწიფო ჯილდოები და საუწყებო სიგელები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.616; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.351

• 1999 - ღირსების ორდენი
  მიწის რეფორმებისა და მიწის მართვის სახელმწიფო პოლიტიკის პრაქტიკულად განხორციელებაში შეტანილი პირადი დიდი წვლილისა და ნაყოფიერი მუშაობისათვის