ოთარ შენგელია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1959 წელს.

1960 წელს მუშაობას იწყებს ქ. თბილისის საქალაქო საბჭოს აღმასკომის ტექნიკური ინვენტარიზაციის ბიუროში რიგით ინჟინრად; აღნიშნულ ორგანიზაციაში გაიარა ყველა სამსახურებრივი საფეხური რიგითი მუშაკიდან ორგანიზაციის ხელმძღვანელამდე და თითქმის ორმოცი წლის განმავლობაში ხელმძღვანელობდა მას; მისი მონაწილეობით და ხელმძღვანელობით ჩატარდა ძირითადი ფონდებისა და საგზაო მეურნეობის პასპორტიზაცია-გადაფასება; დამუშავდა და ოთხტომეულად გამოიცა ქ. თბილისის სახელმწიფო და კერძო საკუთრების მფლობელთა საინჟინრო ტექნიკური წიგნი, რომლის ანალოგი იმ პერიოდისთვის საბჭოთა კავშირის მასშტაბით არ არსებობდა; გამოიცა მეტად ღირებული სტატისტიკური მონოგრაფია სახელმწიფო საუწყებო, კოოპერატიული და პირადი საკუთრების, საგზაო მეურნეობის და საბინაო ფონდის შესახებ; 1954-1960წწ. იყო საქართველოს ხალხური ცეკვის სახელმწიფო ანსამბლის ცნობილი სოლისტი, საქართველოს, საკავშირო და მსოფლიო ფესტივალების ლაურეატი; საინვენტარიზაციო ბიუროს ხელმძღვანელობის პერიოდში არაერთგზის იყო არჩეული ქ. თბილისის საქალაქო და რაიონული საბჭოების დეპუტატად; დაჯილდოებული იყო რამდენიმე ორდენითა და მედლით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.616-617

• ღირსების ორდენი