ვაჟა ჩაგუნავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1964 წელს.

1965-1967წწ. მუშაობდა საქართველოს საყოფაცხოვრებო მომსახურების სამინისტროს თბილისის საყოფაცხოვრებო მომსახურების სამმართველოს საპროექტო ბიუროში პროექტის მთავარ არქიტექტორად; 1967 წლიდან საპროექტო ინსტიტუტ "თბილქალაქპროექტის" მე-4 არქიტექტურული სახელოსნოს ჯგუფის ხელმძღვანელი იყო; 1995-2001წწ. პროექტის მთავარი არქიტექტორი; მისი ავტორობით შექმნილი და განხორციელებულია მრავალსართულიანი საცხოვრებელი შენობა თამარ მეფის გამზირზე (1969), 132-ბინიანი საცხოვრებელი სახლი ნიკოლაძის ქუჩაზე (1972), 16-სართულიანი საცხოვრებელი სახლი ატენის ქუჩაზე, 132-ბინიანი საცხოვრებელი სახლი იყალთოს გორაზე, 16-სართულიანი საცხოვრებელი სახლი (არქიტექტორთა კავშირისთვის) ს. ჩიქოვანის ქუჩაზე; ასევე, ინდივიდუალური სააგარაკო ვილები: ნატახტარში, მცხეთაში, კოჯორში, წყნეთში, ბეთანიაში, მარტვილში, საგურამოში, ციხისძირში, კახეთში; მისი პროექტით ჩატარებულია აკადემიკოს სიმონ ჯანაშიას სახელობის სახელმწიფო მუზეუმის ოქროს ფონდის საგამოფენო დარბაზის რეკონსტრუქცია; მონაწილეობდა არქეოლოგიურ და ეთნოგრაფიულ ექსპედიციებში; ზეგლების აზომვითი სამუშაოების შესასრულებლად, როგორც მხატვარ-არქიტექტიორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.624

• საქართველოს არქიტექტორთა კავშირი, გამგეობის წევრი (1995-)
• საქართველოს არქიტექტორთა კავშირი, წევრი (1969-)
• საქართველოს დიზაინერთა კავშირი, წევრი (1986-)
• საქართველოს მხატვართა კავშირი, წევრი (1981-)
• საქართველოს პროფესიონალ მშენებელთა კავშირი, წევრი (1998-)