ზურაბ ჩაგუნავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი მშენებელი ინჟინრის კვალიფიკაციით 1974 წელს.

1974 წელს დაიწყო შრომითი საქმიანობა თბილისის საპროექტო ინსტიტუტ "საქგიპროშახტის" სამრეწველო მშენებლობის განყოფილების ინჟინერ-კონსტრუქტორად; 1978-1980წწ. მუშაობდა საქართველოს მშენებლობის სამინისტროს N15 სამშენებლო-სამონტაჟო ტრესტის ტექნიკური განყოფილების უფროს ინჟინრად; 1980-1995წწ. იყო სამშენებლო ტრესტ "კურორტმშენის" სამუშაოთა მწარმოებელი; 1995 წლიდან მუშაობდა სამშენებლო გაერთიანება "საქსოფლმშენკომპლექსის" მცხეთის რაიონულ ორგანიზაციაში, ჯერ წარმოების უფროსად, შემდგომ სამშენებლო ფირმა "ლიბოს" დირექტორად; მონაწილეობდა და ხელმძღვანელობდა ქ. თბილისის მიკრორაიონებში მსხვილპანელოვან ბინათმშენებლობას, დიდუბის სპორტული კომპლექსის ("მძლეოსნობის მანეჟის"), სასტუმრო "ამირანისა" და სპორტულ კომპლექს "ქარიშხალას", "საქტანსაცმელვაჭრობის" ბაზის კომპლექსისა და მისი ინფრასტრუქტურის მშენებლობას ისნის რაიონში; ასევე, ოთხსართულიანი ადმინისტრაციული შენობის, სამშენებლო ორგანიზაციის საქმიანი ეზოსა და რაიონული ინფრასტრუქტურის მოწყობას მცხეთის რაიონში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.624