გიორგი ჩიგოგიძე

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი არქიტექტურის სპეციალობით 1940 წელს.

1941-1945წწ. იბრძოდა II მსოფლიო ომში, საბჭოთა არმიის რიგებში, იყო მფრინავი; 1945 წლიდან მუშაობდა ქუთაისის საავტომობილო ქარხნის მშენებლობაზე, სამუშაოთა მწარმოებლად, უბნის უფროსად; 1950 წელს სამუშაოდ გადადის ქ. თბილისში, სახელმწიფო საპროექტო ინსტიტუტ "კომუნარპროექტში" პროექტის მთავარ არქიტექტორად; 1955 წლიდან მიწვევით დაიწყო მუშაობა საქართველოს პოლიტექნიკური ინსტიტუტის არქიტექტურული გეგმარების კათედრაზე, სადაც სიცოცხლის ბოლომდე ეწეოდა პედაგოგიურ მოღვაწეობას; მისი ავტორობით შესრულებული პროექტებით აშენდა მრავალი ობიექტი ქუთაისში, ბორჯომში, თბილისში და სხვა ქალაქებში; იგი პიონერია მათემატიკური მეთოდებისა და ელექტრონულ-გამომთვლელი მანქანების გამოყენების არქიტექტურულ პროექტებში; არის ავტორი ფუნდამენტური შრომების: "კიბის ოპტიმალური ფორმისა და გაბარიტების დადგენა", "მოდულური სისტემა მშენებლობაში და სამშენებლო აგურის ზომები", "არქიტექტურის არსის გაგებისათვის" და სხვა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.633-634

• საქართველოს დამსახურებული არქიტექტორი

• კიბე : დამხმ. სახელმძღვანელო (ავტორი). - თბილისი, ტექნიკური უნ-ტის გამ-ბა, 1997. - 32გვ.
• არქიტექტურული განათლების საწყისები : დამხმარე სახელმძღვანელო (თანაავტორი). - თბილისი, ტექნიკური უნ-ტის გამ-ბა, 1997. - 114გვ.