ადერკი

ლეონტი მროველის მიხედვით, ქართლის მეათე მეფე: ''მოქცევაჲ ქართლისაჲ '' მოიხსენიებს, როგორც ქართლის XI მეფე როკს, რომლის მეფობის შემდგომ ქართლი ორ სამეფოდ გაიყო. ვახუშტის ქრონოლოგიით, ადერკი ძველი წელთაღრიცხვით 30 წელს დაიბადა, მეფობდა ახალი წელთაღრიცხვით 1-57 წლებში. გ. მელიქიშვილი ადერკის ქართლის მეფე მითრიდატე I-თან აიგივებს. ს. კაკაბაძე ადერკის მეფობას ძველი წელთაღრიცხვით II საუკუნის I მეოთხედში ვარაუდობს.

 წყარო: ქართული საბჭოთა ენციკლოპედია, ტ.I.-თბ.,1975.- გვ.89