გრიგოლ ჩიკვილაძე

დაბადების ადგილი: სოფელი თავასა, თერჯოლის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1955 წელს.

1955-1957წწ. მუშაობდა ქ. გორკში, სსრკ სატრანსპორტო მშენებლობის სამინისტროს სამშენებლო სამმართველოში სამუშაოთა მწარმოებლად; 1957-1992წწ. საქართველოს მშენებლობის, კვების მრეწველობის, სასოფლო მშენებლობის სამინისტროების სისტემაში - უბნის, სამმართველოს უფროსად, მშენებარე დირექციის გენერალურ დირექტორად, ტრესტის მმართველად; 1992 წლიდან სს "სამრეწველო უზრუნველყოფის" გენერალური დირექტორის მოადგილეა; ხელმძრვანელობდა მრავალი სამრეწველო-სამოქალაქო და სასოფლო-სამეურნეო დანიშნულების ობიექტის, მათ შორის, ქ. გორკის თბოელექტროსადგურის, ზესტაფონის ღვინისა და პურის ქარხნების, ქირურგიისა და მორფოლოგიის ინსტიტუტების კომპლექსების, ზოოლოგიისა და ბოტანიკის ინსტიტუტების, ქარხანა "აგრეგატის", ტრიკოტაჟის კომბინატის (თბილისში), 500-ადგილიანი საავადმყოფოს (საგარეჯოში) მშენებლობასა და საექსპლუატაციოდ გადაცემას.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.636-637