დავით ჩიჩუა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1964 წელს.

1965 წლიდან მუშაობდა ჯერ საპროექტო ინსტიტუტ "საქქალაქმშენსახპროექტში" არქიტექტორად; 1967-1970წწ. მუშაობდა თბილისის ზონალურ ს/კ, ტიპური და ექსპერიმენტული პროექტირების ინსტიტუტ "თბილზნიიეპში" უფროს არქიტექტორად; ამ პერიოდში იყო რამდენიმე ინდივიდუალური და ტიპური პროექტის ავტორი; მათ შორის აღსანიშნავია სპორტული კომპლექსი სამარყანდში და საქართველოს წიგნის პალატა თბილისში; 1970 წლიდან მოსკოვის ცენტრალურ სასწავლო ნაგებობათა დაპროექტებისა და სამეცნიერო-კვლევითი ინსტიტუტის ასპირანტურაში სწავლობდა; 1975 წლიდან მუშაობდა ინსტიტუტ "თბილზნიიეპში" უფროს მეცნიერ-მუშაკად; მონაწილეობდა რაიონული დაგეგმარების სოფლის ინდივიდუალური სახლების დაპროექტებაში; 1978 წლიდან მუშაობდა საქართველოს ტექნიკური უნივერსიტეტის არქიტექტურის, ურბანისტიკისა და დიზაინის ფაკულტეტზე, ჯერ დოცენტის, შემდეგ სრული პროფესორის თანამდებობაზე; 1995-2004წწ. იყო საქართველოს ტექნიკური უნივერსიტეტის სამშენებლო ფაკულტეტის არქიტექტურული კონსტრუქციების კათედრის გამგე; არის 44 არქიტექტურული პროექტის ავტორი, რომელთაგანა 26 განხორციელებულია, მათ შორის 8 ყოფილი საბჭოთა კავშირის სხვადასხვა რესპუბლიკაში; არის 21 სამეცნიერო სტატიის, ერთი მონოგრაფიის თანაავტორი და მეთოდური მითითების ავტორი; მონაწილეობდა 2 საერთაშორისო და 4 ადგილობრივ კონფერენციაში.

სადისერტაციო თემა - "გამსხვილებული სასკოლო კომპლექსების ქალაქგეგმარებითი სტრუქტურის საკითხები", დაიცვა 1977 წელს.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.641

• საქართველოს არქიტექტორთა კავშირი, წევრი (1968-)