დიმიტრი ჩიჩუა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი 1971 წელს.

მუშაობდა საპროექტო ინსტიტუტ "საქშახტმშენში" ინჟინრად, საქართველოს მშენებლობის სამინისტროს N13 სამშენებლო ტრესტის N1 სამშენებლო სამმართველოს საწარმოო-ტექნიკური განყოფილების ინჟინრად, სამუშაოთა მწარმოებლად, უბნის უფროსად; 1985 წლიდან ხელმძღვანელობდა საქართველოს მშენებლობის სამინისტროს N2 სამშენებლო ტრესტის N8 სამშენებლო სამმართველოს; 1987 წლიდან N2 სამშენებლო ტრესტს; მონაწილეობდა და ხელმძღვანელობდა დ. მიუსერაში სსრკ სამთავრობო აგარაკის, ბოჭორიშვილის სახელობის სეფსისის ცენტრის, ღუდუშაურის სახელობის საავადმყოფოს, თბილისის N1 საშუალო სკოლისა და სხვა კულტურულ-საგანმანათლებლო და ჯანდაცვითი დანიშნულების ობიექტების მშენებლობას.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.641-42; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.280

• 1995 - ღირსების ორდენი