აბრაამ საპირი

დაბადების ადგილი: სოფელი კულაში, სამტრედიის რაიონი.

დაამთავრა საქართველოს პოლიტექნიკური ინსტიტუტი ინჟინერ-ქიმიკოს ტექნოლოგის კვალიფიკაციით 1971 წელს.

1972 წლიდან ცხოვრობს ისრაელში, სადაც ებმევა საზოგადოებრივ ცხოვრებაში და ქ. აშდოდში აყალიბებს ისრაელში პირველ საქართველოდან ამოსულ ოლეთა კომიტეტს; 1973 წელს სათავეში უდგება აშდოდის პორტის ქართველ ებრაელ მუშების შიმშილობით გაფიცვას, რომელიც გაფიცულთა სრული გამარჯვებით დამთავრდა; 1973 წლის ქიფურის ომის მონაწილე, სადაც იგი მოხალისეთ მიდის 18 ახლად ამოსულ ქართველ ებრაელთან ერთად; ის ისრაელის ისტორიაში პირველი ოლეა მთელი საბჭოთა კავშირიდან, ვინც ისრაელში ამოსვლიდან სულ რაღაც წლინახევრის განმავლობაში სახელმწიფო სტრუქტურაში აირჩიეს საყოველთაო არჩევნების საფუძველზე - ქ. აშდოდის საქალაქო მუნიციპალიტეტის დეპუტატად; 1993 წლიდან ქ. ბათ-იამის მერის მოადგილე. გაზეთის "ალია საქართველოდან" დამაარსებელი ისრაელსა და საქართველოში, მისი უცვლელი გამომცემელი და მთავარი რედაქტორი (ისრაელში) 45 წლის მანძილზე; აკეთებდა პოლიტიკურ მიმოხილვებს იარაელის რადიო "კოლ-ისრაელის" ქართულენოვან გადაცემებში; შეყვანილია ორგანიზაცია "კერენ კაიმეთის" ოქროს წიგნში (1999) ებრაელი ერის ყველაზე გამოჩენილ და დამსახურებულ პირთა გვერდით. ავტორია წიგნებისა: "პარიზი, ბონი, ნიუ-იორკი" (2000), "კულაში - ნანახი, განცდილი, გაგონილი" (2000), "საქართველო დამოუკიდებლობის მიღებიდან 27 წლის შემდეგ" (2017); გამოქვეყნებული აქვს ასობით პუბლიცისტური შრომა, სტატია, რეპორტაჟი. საზოგადო და პოლიტიკური მოღვაწე.

წყარო: აბრაამ საპირის პირადი გვერდი: abraamsapir.com; აბრაამ საპირის შემოქმედება (ახალი ვარიანტი) : abraamsapiri.com

• ისრაელ-საქართველოს მეგობრობის შოთა რუსთაველის სახელობის საზოგადოება, დამაარსებელი, თავმჯდომარე (1976-)
• ისრაელის ქართველ ებრაელ მწერალთა გაერთიანება, თავმჯდომარე
• პოლიტიკური მოძრაობა "ალია და ახალგაზრდები", დამაარსებელი (1983-)
• საქართველოდან გამოსულ ებრაელთა მსოფლიო ფედერაცია, თავმჯდომარე (1978-)