ჯემალ ჩოგოვაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის 1959 წელს.

1959-1960წწ. მუშაობდა "ხრამჰეს-2"-ის მშენებლობაზე, ცვლის ინჟინრად და ლაბორატორიის გამგედ; 1960-1962წწ. თბილისის ენერგეტიკისა და ჰიდროტექნიკურ ნაგებობათა სამეცნიერო-კვლევით ინსტიტუტში უფროს ინჟინრად; 1962-1968წწ. იყო საქართველოს მეცნიერებათა აკადემიის სამშენებლო მექანიკისა და სეისმომედეგობის სამეცნიერო-კვლევითი ინსტიტუტის ჯერ ასპირანტი, შემდეგ უმცროსი მეცნიერ-მუშაკი; 1968-1972წწ. მუშაობდა საქართველოს მინისტრთა საბჭოსთან არსებული სპეციალური და სამონტაჟო სამუშაოების გაერთიანება "საქმონტაჟსპეცმშენის" სისტემაში სამმართველოს უფროსად; 1972-1985წწ. მუშაობდა თბილისის ენერგეტიკისა და ჰიდრონაგებობათა სამეცნიერო-კვლევით ინსტიტუტში უფროს მეცნიერ-მუშაკად; 1985 წლიდან საქართველოს ტექნიკური უნივერსიტეტის სამშენებლო ფაკულტეტის მშენებლობის ეკონომიკისა და ორგანიზაციის კათედრაზე (ამჟამად მშენებლობის ეკონომიკისა და მენეჯმენტის დეპარტამენტი); პედაგოგიური მოღვაწეობის პერიოდში მუშაობდა დოცენტის, ხოლო შემდეგ პროფესორის თანამდებობაზე; 1991 წლიდან იყო კათედრის გამგე; 1988-1991წწ. შეთავსებით ეკავა სამშენებლო ფაკულტეტის დეკანის მოადგილის თანამდებობა; 2012 წლიდან იყო დეპარტამენტის ხელმძღვანელი; გამოქვეყნებული აქვს 80-მდე სამეცნიერო სტატია, 6 სახელმღვანელო; აქტიურად მონაწილეობდა სამეცნიერო-ტექნიკური კონფერენციების მუშაობაში; ტექნიკურ მეცნიერებათა დოქტორი (2000)

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.645-646

• საქართველოს დამსახურებული ინჟინერი

• საგზაო მოძრაობის ორგანიზაცია და უსაფრთხოება : სახელმძღვ. ტრანსპორტის სპეც. სტუდ. (ავტორი). - ქუთაისი, აკ. წერეთლის სახელმწ. უნ-ტის გამ-ბა, 2009. - 176გვ.
• მშენებლობის ეკონომიკა : სახელმძღვანელო (თანაავტორი). - თბილისი, ტექნ. უნ-ტი, 2008. - 186გვ.
• მშენებლობის ორგანიზაციისა და სამუშაოთა წარმოების პროექტი : დამხმარე სახელმძღვანელო (თანაავტორი). - თბილისი, ტექნიკური უნ-ტის გამ-ბა, 2002. - 64გვ.
• სტრატეგიული მართვა : დამხმარე სახელმძღვანელო (ავტორი). - თბილისი, ტექნიკური უნ-ტის გამ-ბა, 1996. - 92გვ.