ვაჟა მარსაგიშვილი

დაბადების ადგილი: ყაზბეგის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1967 წელს.

1967-1972წწ. მუშაობდა დაღესტნის რესპუბლიკურ საავადმყოფოში ექიმ-ქირურგად; 1975-1978წწ. თბილისის ტრავმატოლოგიისა და ორთოპედიის კლინიკურ საავადმყოფოში ექიმ-ორდინატორად; 1979-2002წწ. საქართველოს ჯანდაცვის სამინისტროს ტრავმატოლოგიისა და ორთოპედიის სამეცნიერო კვლევით ინსტიტუტში უფროსი მეცნიერ-თანამშრომლად, ორთოპედიის განყოფილების გამგედ. 2002 წლიდან იყო ღუდუშაურის სახელობის ეროვნული სამედიცინო ცენტრის ორთოპედიული განყოფილების უფროსი ექიმი. 2007 წლიდან ესთეტიკური, პლასტიკური და რეკონსტრუქციული ქირურგიის კლინიკა "კარაპს მედლაინის" ექიმი-ორთოპედი. გამოქვეყნებული აქვს 46 სამეცნიერო ნაშრომი და 3 მონოგრაფია, არის 3 გამოგონების ავტორი.

საკანდიდატო დისერტაციის თემა - "კიდურების ოპერაციული დაგრძელება დისტრაქციული მეთოდით", დაიცვა 1978 წელს.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.310; კლინიკა "კარაპ მედლაინის" პორტალი: carapsmedline.ge; medportal.ge