ვალერიან ჩუბინიძე

დაბადების ადგილი: სოფელი მარტოთუბანი, ზესტაფონის რაიონი.

დაამთავრა საქართველოს პოლიტექნიკური ინსტიტუტის ჰიდროტექნიკის ფაკულტეტი 1930 წელს.

1924-1925წწ. მუშაობდა "ზაჰესის"  მშენებლობაზე ოსტატად და უფროს ტექნიკოსად; 1930-1940წწ. "რიონჰესის" საძიებო პარტიაში ტექნიკოსად, რიონჰესის მშენებლობის ტექნიკური განყოფილების ინჟინრად, "ხრამჰეს-1"-ის მშენებლობაზე ხელმძღვანელობდა სამუშაოთა ორგანიზაციის დაგეგმარების ჯგუფს, საგზაო მშენებლობის სამმართველოს, ჰესის სათავე ნაგებობის კვანძის მშენებლობასა და საგეგმო-საწარმოო განყოფილებას; 1940-1944წწ. იყო "სოხუმჰესის" მშენებლობისა და ზესტაფონის რაიონის შროშის (ძირულის) ცეცხლგამძლე ნაკეთობათა ქარხნის მთავარი ინჟინერი; 1944-1955წწ. მუშაობდა სიონის წყალსაცავის მშენებლობაზე, სამგორისა და გუმბათის ჰესების მშენებლობების მთავარ ინჟინრად; 1955-1974წწ. სამშენებლო ტრესტ "საქჰიდროენერგომშენის" მთავარ ინჟინრად, ტრესტის მმართველის მოადგილედ; მონაწილეობდა საქართველოს ყველა ძირითადი ენერგოობიექტის მშენებლობაში; დაჯილდოებული იყო სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.649-50

• საპატიო ენერგეტიკოსი
• საქართველოს დამსახურებული ინჟინერი