ოთარ ჩხიკვაძე

დაბადების ადგილი: ქ. თელავი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1958 წელს.

1958-1964წწ. მუშაობდა თბილისის საქალაქო საბჭოს აღმასრულებელი კომიტეტის სამშენებლო-სარემონტო სამმართველოში ოსტატად, სამუშაოთა მწარმოებლად; 1964-1972წწ. საქართველოს განათლების სამინისტროს კაპიტალური მშენებლობის სამმართველოს ინჟინერ-ტექზედამხედველად; 1972-1995წწ. იყო საქართველოს სასოფლო მშენებლობის განყოფილების უფროსი, სამმართველოს მთავარი ინჟინერი, სამმართველოს უფროსი; 1995 წლიდან შპს "ხილიანის" მშენებელი ინჟინერია; მონაწილეობდა საქართველოს განათლებისა და სასოფლო მშენებლობის სამინისტროების ობიექტების - სკოლების, საბავშვო ბაღების, საცხოვრებელი სახლების, ინდუსტრიული სიმძლავრეების დაპროექტება-მშენებლობაში; დაჯილდოებულია საუწყებო სიგელებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.656