გიორგი ცაავა

დაბადების ადგილი: ქ. სოხუმი.

დაამთავრა სოხუმის ინდუსტრიული ტექნიკუმი 1961 წელს; მოსკოვის საინჟინრო-სამშენებლო ინსტიტუტის დაუსწრებელი განყოფილება სამრეწველო და სამოქალაქო მშენებლობის სპეციალობით 1966 წელს; მოსკოვის სამშენებლო-საინჟინრო ინსტიტუტის ასპირანტურა 1985 წელს; თბილისის მელქაძის სახელობის სამეცნიერო კვლევითი ინსტიტუტის დოქტურანტურა 2003 წელს.

1962 წლიდან მუშაობდა აფხაზეთის ავტონომიური რესპუბლიკის კომუნალური მეურნეობის სამინისტროს სისტემაში ტექნიკოსად, ინჟინერ-დამპროექტებლად; იყო საქართველოს კპ აფხაზეთის საოლქო კომიტეტის მშენებლობის, ტრანსპორტისა და მრეწველობის განყოფილების ინსტრუქტორი; 1979 წლიდან მუშაობდა საბანკო სისტემაში; იყო საქართველოს "მშენბანკის" (შემდგომ "მრეწმშენბანკი", "ინდუსტრიაბანკი") აფხაზეთის რეგიონული ფილიალის მთავარი ინჟინერი, მმართველი; ძირითადი პროფესიული საქმიანობის პარალელურად ეწეოდა პედაგოგიურ მოღვაწეობას; 1975 წლიდან იყო სოხუმის ინდუსტრიული ტექნიკუმის პედაგოგი; 1985-1990წწ.  საქართველოს პოლიტექნიკური ინსტიტუტის სოხუმის ფილიალი, პედაგოგი; ივ. ჯავახიშვილის სახელობის თბილისის სახელმწიფო უნივერსიტეტის სოხუმის ფილიალის დოცენტი (1990). 2006 წლიდან საქართველოს ტექნიკური უნივერსიტეტის ბიზნესტექმოლოგიებიოს ფაკულტეტის პროფესორი. მიღებული აქვს ჯილდოები: ომისა და სამხედრო ძალების ვეტერანი; ღირსების ორდენი; საქართველოს ტექნიკური უნივერსიტეტის აკადემიური საბჭოს საპატიო დიპლომი; აფხაზეთის მეცნიერებათა ეროვნული აკადემიის საპატიო სიგელი; ივანე ჯავახიშვილის სახელობის თბილისის სახელმწიფო უნივერსიტეტის პაატა გუგუშვილის სახელობის ეკონომიკის ინსტიტუტის მედალი. ეკონომიკის მეცნიერებათა დოქტორი (2003). პროფესორი (2006).

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.659

• აფხაზეთის მეცნიერებათა აკადემია, წევრ-კორესპონდენტი (1996-)
• საქართველოს ეროვნულ და სოციალურ ურთიერთობათა აკადემია, წევრი (2001-)