ტიტე ჩიჩუა

დაბადების ადგილი: ქ. ლანჩხუთი. 

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი 1936 წელს.

1936-1942 წლებში მუშაობდა საქართველოს კურორტოლოგიისა და ფიზიოთერაპიის სამეცნიერო-კვლევითი ინსტიტუტის უმცროს მეცნიერ თანამშრომლად, 1942-1943 წლებში - "ჰიდროენერგოპროექტის"  თბილისის განყოფილების გეოლოგად, 1943-1946 წლებში იყო გეოლოგი, შემდეგ კი გეოლოგიური პარტიის უფროსი ტყიბულის გეოლოგიურ-საძიებო პარტიაში, 1946-1952 წლებში - საქართველოს კურორტოლოგიისა და ფიზიოთერაპიის სამეცნიერო-კვლევითი ინსტიტუტის ჰიდროგეოლოგი, 1949-1953 წლებში - საქართველოს ჯანმრთელობის დაცვის სამინისტროს მთავარი საკურორტო სამმართველოს უფროსო ჰიდროგეოლოგი, 1953 წლიდან გარდაცვალებამდე - საქართველოს კურორტოლოგიისა და ფიზიოთერაპიის სამეცნიერო-კვლევითი ინსტიტუტის უფროსი მეცნიერი თანამშრომელი. გეოლოგია-მინერალოგიის მეცნიერებათა კანდიდატი.

 წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.16; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.280

• 1998 - ღირსების მედალი
  მოსახლეობის ჯანმრთელობის დაცვაში შეტანილი პირადი დიდი წვლილისა და სისტემის რეორიენტაციის პროცესში აქტიური მონაწილეობისათვის
• 1992 - საქართველოს ღირსების ორდენი
• საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  ლაურეატი