ვიტალი ბახტაძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის ქიმიურ-ტექნოლოგიური ფაკულტეტი ინჟინერ-ტექნოლოგის სპეციალობით 1960 წელს.

1960 წლიდან მუშაობა დაიწყო რუსთავის ქიმიური კომბინატის აზოტოვანი სასუქების ქარხნის უფროს მეაპარატედ. 1961 წელს იგი გადაიყვანეს ამავე ქარხნის ცვლის უფროსად, 1962 წელს - აზოტოვანი სასუქების ქარხნის მე-5-ა საამქროს უფროსის მოადგილედ, 1963 წელს კი ამავე საამქროს უფროსად. 1964-1967 წლებში იგი იყო საქართველოს მეცნიერებათა აკადემიის არაორგანული ქიმიისა და ელექტროქიმიის ინსტიტუტის ასპირანტი, 1967-1974 წლებში - ამავე ინსტიტუტის უმცროსი მეცნიერი თანამშრომელი, წამყვანი ინჟინერი, კვლავ უმცროსი მეცნიერი თანამშრომელი და შემდეგ - უფროსი მეცნიერი თანამშრომელი. 1974-2005 წლებში იგი იყო აღნიშნული ინსტიტუტის კატალიზაციის ლაბორატორიის ხელმძღვანელი, ხოლო 2005 წლიდან არის კატალიზაციის სამეცნიერო ჯგუფის ხელმძღვანელი. ტექნიკის მეცნიერებათა კანდიდატი.

 წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.24

• საქართველოს სახელმწიფო პრემია, მეცნიერებისა და ტექნიკოს დარგში