ოთარ ცინცაძე

დაბადების ადგილი: ჩოხატაურის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1939 წელს.

1942-1945წწ. მუშაობდა თბილისის ჩარხმშენებელი ქარხნის მთავარ ინჟინრად და ფრონტს საბრძოლო ტექნიკით ამარაგებდა; ომის შემდგომ წლებში ხელმძღვანელობდა სამშენებლო ტექნიკუმს; 1965 წლიდან სათავეში ედგა საქართველოს საშუალო და უმაღლესი განათლების სამინისტროს ერთ-ერთ განყოფილებას; პარალელურად ეწეოდა პედაგოგიურ მოღვაწეობას საქართველოს პოლიტექნიკურ ინსტიტუტში; იყო სამშენებლო წარმოების მექანიზაციის, ორგანიზაციისა და ეკონომიკის კათედრის დოცენტი და კათედრის გამგის მოადგილე; წლების განმავლობაში აქტიურად მუშაობდა მეთოდური საბჭოს სამუშაო ჯგუფსა და სადიპლომო ნაშრომების დაცვის სახელმწიფო კომისიაში, რომელიც ახორციელებდა სამშენებლო დარგის სპეციალისტებით უზრუნველყოფას მთელი საბჭოთა კავშირის მასშტაბით; ტექნიკის მეცნიერებათა კანდიდატი; 60-ზე მეტი სამეცნიერო ნაშრომის, სასწავლო-მეთოდური ლიტერატურისა და სახელმძღვანელოების ავტორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.670

• სამშენებლო გენერალური გეგმების დამუშავება და სამშენებლო მანქანების და სატრანსპორტო საშუალებათა მუშაობის ორგანიზაცია : დამხმ. სახელმძღვანელო (თანაავტორი). - თბილისი, 1985. - 108გვ.
• სამშენებლო მანქანები : სახელმძღვ. პოლიტექნ. ინ-ტის სტუდენტებისათვის (ავტორი). - თბილისი, განათლება, 1971. - 305გვ.
• ბუნებრივი ქვის მასალები სამშენებლო ფაკულტეტის სამოქალაქო-სამრეწველო სპეციალობის სტუდენტთა დასახმარებლად (ავტორი). - თბილისი, ტექნიკური უნ-ტის გამ-ბა, 1969. - 34გვ.