ტარიელ ცინცაძე

დაბადების ადგილი: დაბა ჩოხატაური.

დაამთავრა სამშენებლო ტექნიკუმი 1934 წელს; თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1939 წელს.

1940 წელს დაიწყო შრომითი საქმიანობა; 1941-1947წწ. მუშაობდა თბილისის N31 საავიაციო ქარხნის მშენებლობაზე სამუშაოთა მწარმოებლად, სამშენებლო ტრესტ "თბილმშენის" N4 და N11 სამშენებლო სამმართველოების უფროსად; იყო სამშენებლო ტრესტ "საქკოპმშენის" სამშენებლო სამმართველოს უფროსი; 1947 წლიდან იყო საქართველოს მშენებლობის სამინისტროს სამშენებლო გაერთიანება "თბილქალაქმშენის" N14 სამშენებლო-სამონტაჟო ტრესტის N3 სამმართველოს უფროსი; მონაწილეობდა თბილისის საავიაციო ქარხნის, ბართაშვილის ხიდის, მტკვრის სანაპიროს, ზოოვეტერინარური ინსტიტუტის (ი. ჭავჭავაძის პროსპექტზე), ისტორიული ძეგლების, შ. რუსთაველის სახელობის დრამატული თეატრის (რეკონსტრუქცია), საცხოვრებელი სახლების, სკოლების, საცხოვრებელი მიკრორაიონების მშენებლობაში; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.670

• საქართველოს დამსახურებული ინჟინერი