გაიოზ ფაღავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ქიმიურ-ტექნოლოგიური ფაკულტეტი ინჟინერ-ტექნოლოგის სპეციალობით 1958 წელს.

1958-1959 წლებში მუშაობდა რუსთავის ქიმიური კომბინატის (რუსთავის საწარმოო გაერთიანება "აზოტი") სპილენძ-ამონიუმის საამქროს უფროს მეაპარატედ, 1959-1961 წლებში - ამავე კომბინატის გვარჯილას საამქროს ცვლის უფროსად, 1961-1975 წლებში - ჰიდროქსილამინსულფატისა და ნედლი ლაქტამის საამქროების უფროსად, 1975-1988 წლებში - კაპროლაქტამის წარმოების უფროსის მოადგილედ, 1988-1989 წლებში - საწარმოო გაერთიანება "აზოტის" საგარეო ეკონომიკური კავშირების განყოფილების უფროსად, 1989-2005 წლებში - ამავე გაერთიანების ახალი ტექნიკის, საპატენტო და საგამომგონებლო საქმიანობის განყოფილების უფროსად. 2005 წლიდან პენსიონერია. მიღებული აქვს საბჭოთა კავშირის მინისტრთა საბჭოს პრემია.

 წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.28

• საქართველოს სახელმწიფო პრემია, მეცნიერებისა და ტექნიკის დარგში