ირაკლი ქაშაკაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მეტალურგიული ფაკულტეტი შავი ლითონების მეტალურგიის სპეციალობით 1974 წელს.

1974-1979 წლებში მუშაობდა რუსთავის მეტალურგიული ქარხნის მარტენის საამქროში მეფოლადის ხელშემწყობად, სააირე მეურნეობის ოსტატად, საღუმელე მილის ოსტატად, 1979-1984 წლებში - საქართველოს პოლიტექნიკური ინსტიტუტის მასალათა თვისებების ლაბორატორიის უფროს ინჟინრად, წამყვან ინჟინრად, უმცროს მეცნიერ თანამშრომლად, მეცნიერ თანამშრომლად, და უფროს მეცნიერ თანამშრომლად. 1984-1988 წლებში იგი იყო საქართველოს პოლიტექნიკური ინსტიტუტის ლითონთა ტექნოლოგიისა და ლითონმცოდნეობის კათედრის ასისტენტი, ხოლო 1991-1999 წლებში - ჩამოსხმის, შედუღებისა და ახალი ტექნიკური პროცესების კათედრის ასისტენტი, 1999 წლიდან - ამავე კათედრის დოცენტი. არის 74 მეცნიერული ნაშრომის ავტორი. მათ შორის: 2 აღმოჩენა; 33 სტატია; 27 გამოგონება. პროფესორი, ინჟინერ-მეტალურგი.

 წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.32; საქართველოს ტექნიკური უნივერსიტეტის ვებ-გვერდი: gtu.edu.ge

• 1993 - საქართველოს სახელმწიფო პრემია, მეცნიერებისა და ტექნიკოს დარგში (ერთობლივი გამარჯვება)
  ეკონომიურად ლეგირებული ფოლადებისა და პროგრესული ტექნოლოგიური პროცესების შემუშავება-დანერგვა საწარმოო ციკლში ''ფოლადი - მზა პროდუქცია''