ლევან ცუცქირიძე

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1934 წელს.

1934 წლიდან მუშაობა დაიწყო ქ. თბილისის სამშენებლო ორგანიზაციებში; მისი უშუალო მონაწილეობითა და ხელმძღვანელობით აშენდა 11-სართულიანი 100-ბინიანი საცხოვრებელი სახლი ქ. თბილისში (გმირთა მოედანზე); შემდეგ გადაიყვანეს შახტების მშენებლობაზე ახალციხეში და ტყიბულში; II მსოფლიო ომის დამთავრების შემდეგ, 1946 წელს, მას, როგორც გამოცდილ და მაღალი კვალიფიკაციის სპეციალისტს, ნიშნავენ ომით დანგრეული შახტების აღდგენითი სამუშაოების სამშენებლო ტრესტის მმართველად დონბასში; 1950 წელს დაინიშნა საქართველოს მშენებლობის სამინისტროს სამშენებლო-სამონტაჟო ტრესტ "საქშახტმშენის" მმართველად; 1954 წელს მას კვლავ აბრუნებენ დონბასში, დანგრეული შახტების აღდგენითი სამუშაოებისა და ახალი შახტების მშენებლობის სამუშაოების ხელმძღვანელად; მიღებული ჰქონდა სახელმწიფო ჯილდოები და საუწყებო საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.675