ვახტანგ აბაშიძე

დაბადების ადგილი: სოფელი ისლარი, ხარაგაულის რაიონი.

დაამთავრა ა. პუშკინის სახელობის თბილისის სახელმწიფო პედაგოგიური ინსტიტუტის ფიზიკა-მათემატიკის ფაკულტეტი ფიზიკოსის სპეციალობით 1951 წელს.

1952 წელს - თბილისის სახელმწიფო უნივერსიტეტი (ექსტერნად) გეოფიზიკის სპეციალობით. 1952-1954 წლებში იგი იყო თბილისის სახელმწიფო უნივერსიტეტის ფიზიკის ფაკულტეტის გეოფიზიკის კათედრის ლაბორანტი, 1954-1958 წლებში - ამავე კათედრის ასისტენტი, 1958-1965 წლებში - საქართველოს მეცნიერებათა აკადემიის გეოფიზიკის ინსტიტუტის უმცროსი, 1965-1969 წლებში - უფროსი მეცნიერ თანამშრომელი, 1969-2005 წლებში კი - ინსტიტუტის მეცნიერ-კონსულტატი. მისი შრომები ეხება კავკასიის ტერიტორიის გრავიტაციული ველის, დროის მიხედვით მისი ცვალებადობის და ენგურჰესის რაიონში გეოდინამიკური პროცესების გეოფიზიკური მეთოდების კვლევებს. გამოქვეყნებული აქვს 130-ზე მეტი სამეცნიერო ნაშრომი, მათ შორის, 2 მონოგრაფია და 2 სახელმძღვანელო. გეოფიზიკოსი, ფიზიკა-მათემატიკის მეცნიერებათა დოქტორი (1995), პროფესორი (1999).

 წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.44; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.194; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.138; georgianencyclopedia.ge

• 2002 - მერაბ ალექსიძის სახელობის პრემია
  მონოგრაფიისათვის "გეოდინამიკური პროცესების გეოფიზიკური მონიტორინგი ენგურის მაღლივი კაშხალის რაიონში“ (ინგლ. ენაზე, თბ., 2001)
• 2000 - ღირსების ორდენი
• საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  გამოქვეყნებულ შრომათა ციკლისათვის ''გეოფიზიკური, გეოლოგიური და საინჟინრო ამოცანების გადაწყვეტის გრავიმეტრიული მეთოდების დამუშავება და რეალიზაცია''

• ფიზიკის ფაკულტეტის გეოფიზიკის კათედრის მოკლე ისტორია : ეძღვნება თსუ-ის 100 წლისთავს (რედაქტორი). - თბილისი, თბილ. უნ-ტის გამ-ბა, 2018. - 44გვ.. - ISBN: 9789941137464
• გეოდეზიური გრავიმეტრიის მოკლე კურსი : სახელმძღვ. საქ. ტექნ. უნ-ტის სტუდ. (ავტორი). - თბილისი, ჯისიაი, 2004. - 269გვ.
• Geophysical monitoring of geodynamical processes in region of Enguri High Dam (ავტორი). - Tbilisi, Metsniereba, 2001