ვაჟა ცხადაია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1962 წელს.

1962 წლიდან მუშაობდა "საქმთავარენერგოს" სისტემაში სხვადასხვა საპასუხისმგებლო საინჟინრო თანამდებობებზე;

იყო საქართველოს მშენებლობის სამინისტროს ტრესტ "მშენინდუსტრიის" მმართველის მოადგილე, მთავარი ინჟინერი სს "საქმშენინდუსტრიის" სამეთვალყურეო საბჭოს თავმჯდომარე; მონაწილეობდა პირველად საქართველოში, ცხრამეტრიანი და თორმეტმეტრიანი (წიბოვანი) გადახურვის ფილებისა და საკედლე პანელების ათვისებასა და დანერგვაში; მონაწილეობდა სახელმწიფო კანცელარიის შენობის, ბ. პაიჭაძის სახელობის "დინამოს" (ამჟამად ცენტრალური ეროვნული) სტადიონის, რესპუბლიკური საავადმყოფოს, ი. ჯავახიშვილის სახელობის თბილისის სახელმწიფო უნივერსიტეტის ბიბლიოთეკის, შრომის სასახლისა და თბილისის სხვა ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.677; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.41

• 2001 - ღირსების ორდენი
• საქართველოს დამსახურებული მშენებელი