ნოდარ ცხვირავაშვილი

დაბდების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო ფაკულტეტი 1957 წელს; შემდგომ სამშენებლო ფაკულტეტი სამრეწველო და სამოქალაქო მშენებლობის სპეციალობით.

1953-1973წწ. მუშაობდა გაზმომარაგების საწარმოო გაერთიანება "თბილგაზში", სამშენებლო-სამონტაჟო ტრესტ "თბილგაზმშენისა" და სამშენებლო-სამონტაჟო ტრესტ "ინჟმშენის" სამშენებლო სამმართველოში, საქართველოს პროფსაბჭოს მშენებარე ობიექტების დირექციაში; იყო სამუშაოთა მწარმოებელი, ტექნიკური ზედამხედველი, უბნის უფროსი, სამშენებლო სამმართველოსა და მშენებარე ობიექტების დირექციის მთავარი ინჟინერი; 1973 წლიდან მუშაობდა მელიორაციისა და წყალთა მეურნეობის სამინისტროს სისტემაში საწარმოო გაერთიანების უფროსის მოადგილედ, კაპიტალური მშენებლობის სამმართველოს მთავარ ინჟინრად, სამშენებლო გაერთიანება "საქმთავარწყალმშენის" ტრესტ "კოლხეთმშენის" ტექნოლოგიების სამსახურის უფროსად; იყო მთავარი სამმართველოს უფროსის მრჩეველი, გაერთიანების განყოფილების უფროსი; მისი მონაწილეობით აშენდა არაერთი კომუნალური, სამრეწველო და სოციალური ინფრასტრუქტურის, სასოფლო-სამეურნეო დანიშნულების ობიექტი, "ყარადაგ-თბილისის" მაგისტრალური გაზსადენის საქართველოს მონაკვეთი და თბილისის გაზიფიკაციის საქალაქო ქსელები, პნევმოტრანსპორტის ხაზი "მარნეული-ლილო", საკურორტო და სამოქალაქო ობიექტები აფხაზეთსა და აჭარაში, კოლხეთის დაბლობის სამელიორაციო დამშრობი სისტემები და სხვა ობიექტები; მუშაობდა საქართველოს სამეცნიერო კულტურულ-საგანმანათლებლო საზოგადოება "ცოდნის" გამგეობის თავმჯდომარის მოადგილედ.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.678; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.193

• 1998 - ღირსების მედალი
  საქართველოს მოსახლეობაში სალექციო-საგანმანათლებლო, საგამომცემლო საქმიანობაში შეტანილი მნიშვნელოვანი წვლილისა და აქტიური საზოგადოებრივი მოღვაწეობისათვისშეტანილი მნიშვნელოვანი წვლილისა და აქტიური საზოგადოებრივი მოღვაწეობისათვის
• საპატიო ნიშნის მედალი