ბესარიონ ძამუკაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1969 წელს; ქ. ოდესის სამშენებლო-საინჟინრო ინსტიტუტის ასპირანტურა 1975 წელს.

1958 წლიდან დაიწყო შრომითი საქმიანობა; 1961-1966წწ. მუშობდა თბილისის საქალაქო საბჭოს აღმასკომის საპროექტო-სახარჯთაღრიცხვო ბიუროში ინჟინრად; 1967-1970წწ. საქართველოს მშენებლობის სამინისტროს N2 სამშენებლო ტრესტის, N5 სამშენებლო სამმართველოში სამუშაოთა მწარმოებლად, საწარმოო-ტექნიკური განყოფილების უფროსად; 1970-1972წწ. იყო საქართველოს მშენებლობის სამინისტროს სამშენებლო გაერთიანება "მთავართბილმშენის" საკონტროლო-სარევიზიო სამმართველოს მთავარი სპეციალისტი; 1972-1978წწ. თბილისის სახალხო კონტროლის საქალაქო კომიტეტის ინსპექტორი; 1978-1984წწ. მუშაობდა საქართველოს მშენებლობის სამინისტროს N3 სამშენებლო ტრესტის მმართველის მოადგილედ; 1984-1988წწ. იყო სამშენებლო-სამონტაჟო ტრესტ "კავკასელექტროქსელმშენის" მთავარი ტექნოლოგი, თბილისის საქალაქო საბჭოს აღმასკომის საყოფაცხოვრებო მომსახურების სამმართველოს უფროსის მოადგილე, თბილისის ზღვის კეთილმოწყობა-განაშენიანების სამმართველოს უფროსი, ელექტრონაგებობათა სამმართველოს უფროსის მოადგილე; 1988-1995წწ. მუშაობდა საქართველოს სასოფლო მშენებლობის სამინისტროს სპეციალიზებული სამშენებლო ტრესტ "სპეცმშენის" ექსპერიმენტული ქარხნის გენერალურ დირექტორად; 1995-2000წწ. სოციალურ-ეკონომიკური ინფორმაციის კომიტეტის თავმჯდომარის მოადგილედ, სს "აისის" ფირმა "ვირას" გენერალურ დირექტორად; მონაწილეობდა თვალის რესპუბლიკური კლინიკის, თბილისის N4 მაცივრის, გაჩიანის ხორცკომბინატის, ქიმწმენდის გაერთიანება "თოლიას", შავი ზღვის ნაპირსამაგრი სამუშაოებისა და საინჟინრო-კომუნიკაციების (ქ. ადლერში) მშენებლობასა და საქართველოსა და სომხეთში მიწისძვრით დაზიანებული ობიექტების აღდგენაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.679

• შრომის წითელი დროშის მედალი
• შრომის წითელი დროშის ორდენი