როინ მიგრიაული

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის იურდიული ფაკულტეტი 1991 წელს.

1990 წელს იყო საქართველოს ცენტრალური საარჩევნო კომისიის იურდიული განყოფილების უფროსის მოადგილე; 1990-1993წწ. საქართველოს იუსტიციის სამინისტროს კონსულტანტი, განყოფილების უფროსი; 1994-1995წწ. მინისტრის მრჩეველი; 1995-1997 წწ. მივლინებულია ბრემენის უნვერსიტეტში (გერმანია) სამეცნიერო სტაჟირება DAAD-ის სტიპენდიის ფარგლებში; 1997-1999წწ. "როინ მიგრიაულის საადვოკატო ბიუროს" დამოუკიდებელი ადვოკატი; 1999-2000წწ. საადვოკატო ბიუროს "მიგრიაული და პატარაია" ხელმძღვანელი პარტნიორი, ადვოკატი; 1997–2008 წწ.  თბილისის ივ. ჯავახიშვილის სახელობის სახელმწიფო  უნივერსიტეტის სამოქალაქო სამართლის კათედრის ასოცირებული პროფესორი; 2007–2008 წწ. თბილისის ეკონომიკურ ურთიერთობათა სახელმწიფო უნივერსიტეტის ლექტორი, პროფესორი; 2008–2012, 2014 წწ. საქართველოს უნივერსიტეტის იურიდიული ფაკულტეტის ასოცირებული პროფესორი; 2008 – 2012 წწ. კავკასიის უნივერსიტეტის კავკასიის სამართლის სკოლის ასოცირებული პროფესორი; 2010 წლიდან სულხა-საბას სასწავლო უნივერსიტეტის სამართლის ფაკულტეტის ასოცირებული პროფესორი; 2012 წლიდან  კავკასიის საერთაშორისო უნივერსიტეტის კავკასიის სამართლის სკოლის ასოცირებული პროფესორი. არის ავტორი მონოგრაფიისა - "შესავალი გაკოტრების სამართალში" (2006); სამეცნიერო პუბლიკაციებისა: გაკოტრების სამართალი - "გაკოტრების სამართლის ზოგიერთი საკითხი", წიგნებისა: "სერგო ჯორბენაძე, 70, საიუბილეო კრებული" (1996); "გაკოტრების კრედიტორი, როგორც გაკოტრების წარმოების ერთ-ერთი მხარე" (1998); "მომავლის გაკოტრება, როგორც სანაციის საშუალება" (1997); "პარტნიორის სამართლებრივი მდგომარეობა შპს-ის გაკოტრებისას" (2004). "შპს-ს სამართლებრივი მდგომარეობა ქართული სამართლის მიხედვით" (2001); "სამეწარმეო საზოგადოება: გაუქმება, ლიკვიდაცია, ამოშლა (2002); "შეზღუდული პასუხისმგებლობის საზოგადოებასა და დირექტორს შორის სამართლებრივი ურთიერთობის წარმოშობა და დასრულება" (2003). მონაწილეობა აქვს მიღებული საერთაშორისო არბირტაჟებში: ლონდონის არბიტრაჟი ექსპერტი, ბერძნული ფირმის მოწვევით (1998), 2007- საინვესტიციო დავების გადაწყვეტის საერთაშორისო ცენტრი (ICSID, ლონდონი, ინგლისი) ექსპერტი, საქართველოს მთავრობის მოწვევით. სამართლის დოქტორი, ადვოკატი. 

საკანდიდატო დისერტაციის თემა - "შპს-ის გაკოტრების სამართლებრივი ასპექტები", დაიცვა 2005 წელს.  

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.337; იურიდიული პორტალი საქართველოდან: gen.ge

• DAAD-ის ყოფილ სტიპენდიანტთა კავშირი, წევრი
• სამართლებრივი რეფორმის სახელმწიფო კომისია, წევრი (1995-1998)
• საქართველოს ადვოკატები დამოუკიდებელი პროფესიისათვის, დამფუძნებელი, გამგეობის წევრი (2009-)
• საქართველოს ადვოკატთა ასოციაცია აღმასრულებელი საბჭო, წევრი (2006-2010)
• საქართველოს ადვოკატთა ასოციაციის აღმასრულებელი საბჭო, წევრი (2013-2017)
• საქართველოს ახალგაზრდა იურისტთა ასოციაცია, დამფუძნებელი (1993-)
• საქართველოს საკონსტიტუციო სასამართლოს სამეცნიერო-საკონსულტაციო საბჭო, წევრი (2004-2009)

• შპს-ის გაკოტრების სამართლებრივი ასპექტები : რედ.: ავთანდილ კობახიძე, ლელა ნადიბაიძე] (ავტორი). - თბილისი, ბონა კაუზა, 2004. - 221გვ.. - ISBN: 99940-764-4-2
• საქართველოს კანონი გაკოტრების საქმეთა წარმოების შესახებ : ნიმუშების ავტ.: როინ მიგრიაული (ავტორი). - თბილისი, 2001. - 54გვ.. - ISBN: 99928-803-0-9
• გერმანიის ფედერაციული რესპუბლიკის ძირითადი კანონი : გერმ. თარგმნა როინ მიგრიაულმა (მთარგმნელი). - თბილისი, ნორმა, 1995. - 137გვ.