ვახტანგ წულეისკირი

დაბადების ადგილი: ქ. სენაკი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1951 წელს.

1951-1954წწ. განაწილებით მუშაობდა უკრაინაში; 1954-1959წწ. ხელმძღვანელობდა სამშენებლო სამმართველო "საქსოფლელექტრომშენის" სენაკის ორგანიზაციას; 1959-1963წწ. იყო სენაკის სახელმწიფო ბანკის უფროსი ინჟინერი; 1963-1967წწ. სენაკის სამშენებლო სამმართველოს უფროსი; 1967 წლიდან მუშაობდა საქართველოს სასოფლო მშენებლობის სამინისტროს N5 სამშენებლო ტრესტის მოძრავ-მექანიზებული კოლონის მთავარ ინჟინრად, შემდეგ უფროსად, ტრესტის მთავარ ინჟინრად და მმართველის მოვალეობის შემსრულებლად; მისი ხელმძღვანელობით, აშენდა არაერთი სასოფლო-სამეურნეო დანიშნულების ობიექტი; მათ შორის: გეჯეთისა და კინდღის მეფრინველეობის ფაბრიკები, ნოსირის საშენ მასალათა კომბინატი, მესტიის ტურისტული ბაზის კომპლექსი, ჩაის ფაბრიკები, სკოლები, საცხოვრებელი სახლები (სენაკში, აბაშასა და მარტვილში).

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.686-688

• საპატიო ნიშნის მედალი
• საპატიო ნიშნის ორდენი
• საქართველოს დამსახურებული ინჟინერი