კონსტანტინე კახიანი

დაბადების ადგილი: ქ. სამტრედია.

დაამთავრა თბილისის სახელმწიფო უნივერსიტეტის პედაგოგიური ფაკულტეტის სალიტერატურო განყოფილება ლიტერატურის სპეციალობით 1930 წელს.

1930-1936 წწ. მუშაობდა საქართველოს სახელმწიფო მუზეუმში უფროს მეცნიერ თანამშრომლად; 1936-1939 წწ. იყო რეპრესირებული პოლიტიკური მოტივით, სასჯელს იხდიდა ქ. ყარაგანდაში; განთავისუფლების შემდეგ ცხოვრობდა ქ. სამტრედიაში და მუშაობდა სხვადასხვა შემთხვევით სამუშაოზე. 1960 წელს იგი რეაბილიტირებულ და აღდგენილ იქნა საქართველოს მეცნიერებათა აკადემიის ს. ჯანაშიას სახელობის საქართველოს სახელმწიფო მუზეუმში უმცროს მეცნიერ თანამშრომლად. 1974 წელს კ. კახიანი გადაყვანილ იქნა საქართველოს მეცნიერებათა აკადემიის ივ. ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის უფროს მეცნიერ თანამშრომლად, სადაც მუშაობდა გარდაცვალებამდე.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.55

• საქართველოს სახელმწიფო პრემია, მეცნიერებისა და ტექნიკის დარგში
  ჰუმანიტარულ მეცნიერებათა დარგში 1976-1992 წლებში გამოცემული ნაშრომისათვის - "მასალები საქართველოს შინამრეწველობისა და ხელოსნობის ისტორიისათვის" 5 ტომად (9 წიგნად)