ამირან ჭადაძე

დაბადების ადგილი: სოფელი სარეკი, საჩხერის რაიონი.

დაამთავრა ქუთაისის ავტომექანიკური ტექნიკუმი ავტოწარმოების სპეციალობით 1965 წელს; საქართველოს პოლიტექნიკური ინსტიტუტი სამრეწველო და სამოქალაქო მშენებლობის სპეციალობით 1975 წელს; საქართველოს მეცნიერებისა და ტექნიკის სახელმწიფო კომიტეტთან არსებული სახალხო მეურნეობის მართვის ინსტიტუტი 1988 წელს.

1960-1968წწ. მუშაობდა ქუთაისის ელექტრომექანიკურ ქარხანასა და აბრეშუმის კომბინატში მღარავად, ზეინკლად, კონტროლიორად; 1968-1970წწ. თბილისის N24 პროფესიულ-ტექნიკურ სასწავლებელში - ოსტატად; 1970-1973წწ. მუშაობა განაგრძო საქართველოს მშენებლობის სამინისტროს N15 სამშენებლო ტრესტში უფროს ინჟინრად; 1973-1975წწ. სპეცსამუშაოთა N1 მოძრავ-მექანიზებულ კოლონაში სამუშაოთა მწარმოებლად; 1975-1976წწ. მუშაობდა რესპუბლიკურ სამშენებლო გაერთიანება "საქსაკოლმეურნმშენში" უფროს ინჟინრად; 1976-1984წწ. საქართველოს სასოფლო მშენებლობის სამინისტროს N9 სამშენებლო ტრესტის სპეციალიზებულ მოძრავ-მექანიზებულ კოლონაში სამუშაოთა მწარმოებლად, უბნის უფროსად, მთავარ ინჟინრად; 1984-1996წწ. "საქსაკოლმეურნმშენის" სამმართველოს უფროსად; იყო საქართველოს პარლამენტის მრეწველობის, ენერგეტიკის, ტრანსპორტისა და კომუნალური მეურნეობის კომისიის ექსპერტ-კონსულტანტი (1995წ.); 1996-1997წწ. საქართველოს პარლამენტის ფრაქცია "მოქალაქეთა კავშირის" წამყვანი სპეციალისტი; 1997-1999წწ. "საპარლამენტო უმრავლესობის" აპარატის უფროსი; 1999-2004წწ. იყო სამშენებლო-სამონტაჟო გაერთიანება "თბილმშენმონტაჟკომპლექსის" გენერალური დირექტორი; 2004-2009წწ. საქართველოს პარლამენტის საკადრო საკითხთა დეპარტამენტის ჯგუფის უფროსი, წამყვანი სპეციალისტი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.690

• ღირსების ორდენი