გურამ ჭანტურია

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1960 წელს.

წლების განმავლობაში იყო სპეცსამონტაჟო ტრესტ "საქსანტექმონტაჟის" გამშვებ-გამმართველი სამმართველოს მთავარი ინჟინერი, საქართველოს სპეცსამონტაჟო სამუშაოების მთავარი სამმართველოს "საქმონტაჟსპეცმშენის" საწარმოო-განმკარგულებელი განყოფილების უფროსი; იყო სამონტაჟო ტრესტ "საქსანტექმონტაჟის" მმართველი; ხელმძრვანელობდა რუსთავის მეტალურგიული, კასპის ცემენტის და ახალქალაქის საბაგირო გზის ქარხნების, რუსთავის ქიმიური, თბილისის მაუდ-კამვოლისა და გორის ბამბეილის კომბინატების, აბრეშუმის ფაბრიკის, ჭადრაკის სასახლის, რესპუბლიკური საავადმყოფოს, სასტუმროების "ივერიისა" და "აჭარის", სკოლების, ბაგა-ბაღების, საცხოვრებელი სახლებისა და სხვა მნიშვნელოვანი სპეცსამონტაჟო სამუშაოების შესრულებას; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.693