ილია ჭანტურია

დაბადების ადგილი: სოფელი საგვაზაო, აბაშის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1946 წელს.

1946-1966წწ. მუშაობდა სამშენებლო ტრესტ "ამიერკავკასტრანსმშენის" გაგრის სამშენებლო სამმართველოში მშენებელ ოსტატად, სამუშაოთა მწარმოებლად; 1966-1968წწ. საქართველოს სასოფლო მშენებლობის სამინისტროს N8 მოძრავ-მექანიზებულ კოლონაში მთავარ ინჟინრად; 1968-1992წწ. იყო საბჭოთა კავშირის კომპარტიის ცენტრალური კომიტეტის საქმეთა მმართველობის სანატორიუმებისა და დასასვენებელი სახლების გაგრის ჯგუფის დირექციის უფროსი ინჟინერი; მონაწილეობდა და ხელმძღვანელობდა ქ. გაგრის, დაბა განთიადისა და ბზიფის სარკინიგზო სადგურების, სანატორიუმისა და დახურული საცურაო აუზის ქ. გაგრაში, 500-ადგილიანი დასასვენებელი სახლი "მზიურის" კომპლექსის მშენებლობას (გაგრის ზონაში). მიღებული აქვს სსრ კავშირის მინისტრთა საბჭოს პრემია.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.693-694

• ხალხთა მეგობრობის ორდენი
• ღირსების ორდენი
• საქართველოს დამსახურებული ინჟინერი