ნოდარ ჭარხალაშვილი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამთო ფაკულტეტი 1945 წელს.

1945-1959წწ. მუშაობდა საპროექტო ინსტიტუტ "თბილჰიდროპროექტში" ინჟინერ-დამპროექტებლად, უფროს ინჟინრად, საპროექტო ჯგუფის ხელმძღვანელად; 1959-1965წწ. იყო სამშენებლო ტრესტ "საქჰიდროენერგომშენის", "ხრამჰეს-2"-ის სამშენებლო სამმართველოს მთავარი ინჟინერი; მუშაობდა "ენგურჰესის" მშენებლობის სამმართველოს მთავარ ინჟინრად, მშენებლობის უფროსის მოადგილედ; პრაქტიკული პროფესიული საქმიანობის პარალელურად, ეწეოდა სამეცნიერო-პედაგოგიურ საქმიანობას, კითხულობდა ლექციებს საქართველოს პოლიტექნიკურ ინსტიტუტში; ტექნიკის მეცნიერებათა კანდიდატი; ავტორი ჰიდროენერგეტიკული მშენებლობის აქტუალურ საკითხებზე დაწერილი მრავალი სამეცნიერო ნაშრომისა და სტატიის; დაჯილდოებული იყო სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.695; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.413

• შრომის წითელი დროშის ორდენი
• საქართველოს დამსახურებული ინჟინერი