იური ჭედია

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1956 წელს.

1956 წელს დაიწყო შრომითი საქმიანობა საქართველოს სახელმწიფო ენერგოსისტემაში; 1956-1959წწ. მუშაობდა "ბჟუჟჰესის" მშენებლობის ინჟინრად, ექსპლუატაციის საამქროს უფროსად; 1953-1961წწ. საქართველოს ენერგეტიკისა და ელექტრიფიკაციის სამმართველოს ("საქენერგოს") ავარიული ინსპექციის უფროსად; 1961-1963წწ. "ჩითახევჰესის" დირექტორად; 1963-1971წწ. ხრამის ჰიდროელექტროსადგურების კასკადის დირექტორად და "ხრამჰეს-2"-ის მშენებლობის დირექციის დირექტორად; 1971-1974წწ. "ენგურჰესის" მშენებლობის დირექციის დირექტორად; 1974-1979წწ. იყო "საქმთავარენერგოს" უფროსის მოადგილე კაპიტალური მშენებლობის დარგში; 1979-1994წწ. "საქმთავარენერგოს" უფროსი; 1994 წლიდან იყო შპს "ენერგია-პროგრესი XX"-ის გენერალური დირექტორი; დაჯილდოებული იყო სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.696

• საქართველოს საინჟინრო აკადემია, ნამდვილი წევრი

• საქართველოს დამსახურებული ინჟინერი