გრიგოლ ალშიბაია

1920-1921წწ. იყო საბჭოთა აზერბაიჯანში საქართველოს დიპლომატიური წარმომადგენელი; 1921 წლიდან ალშიბაია პოლიტიკური ემიგრანტია. იგი წერილებს ბეჭდავდა ემიგრაციულ გაზეთში "დამოუკიდებელი საქართველო" (გამოდიოდა პარიზში 1926 წლის იანვრიდან - 1939 წლის ივლისამდე); ვარშავაში კავკასიურ ოფისს ხელმძღვანელობდა; მეორე მსოფლიო ომის დროს გერმანიის ჯარის მიერ ვარშავის დაკავების შემდეგ აქ დაარსებული კავკასიის კომიტეტის ხელმძღვანელი გახდა; 1943 წლის შემოდგომაზე მის ნაცვლად სამხედრო და ტყვეთა საკითხების მოსაგვარებლად საკავშირო შტაბი დაარსდა, რომლის ერთ-ერთი ხელმძღვანელიც იყო. შტაბის ორგანიზებით, 1944 წლის 26 მაისს საქართველოს დამოუკიდებლობის აღსანიშნავად დღესასწაული ჩატარდა. ზეიმი ქართული კოლონიის თავმჯდომარემ - ტიტე მარგველაშვილმა გახსნა. მეორე მსოფლიო ომის დასრულების შემდეგ გრიგოლ ალშიბაია ოჯახით საცხოვრებლად აშშ-ში გადავიდა. პოლიტიკური მოღვაწე, ექიმი, დიპლომატი.

წყარო: საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ. 20

• საქართველოს ეროვნულ-დემოკრატიული პარტია, წევრი
• ქართველთა შორის წერა-კითხვის გამავრცელებელი საზოგადოება, წევრი