ნუგზარ ჭიჭაღუა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1980 წელს.

1980-1998წწ. მუშაობდა საქართველოს სასოფლო მშენებლობის სამინისტროს N12 მოძრავ-მექანიზებულ კოლონაში სამუშაოთა მწარმოებლად, ნოსირის სამშენებლო კონსტრუქციების კომბინატში მთავარ ინჟინრად, დირექტორად; იყო იმავე სამინისტროს N5 სამშენებლო ტრესტისა და ტრესტ "საქსოფმშენრესურსის" მმართველი; 1999 წლიდან იყო თბილისის მერიის ეკონომიკური პოლიტიკის სამსახურის უფროსის მოადგილე და უფროსი; დიდი წვლილი აქვს შეტანილი სამეგრელოს რეგიონსა და აფხაზეთში სასოფლო-სამეურნეო, გადამამუშავებელი მრეწველობის, სოციალური დანიშნულებისა და საბინაო ობიექტების მშენებლობაში; განსაკუთრებული დამსახურება მიუძღვის საქართველოს სასოფლო მშენებლობის სფეროში ინდუსტრიული მშენებლობის მეთოდების დანერგვის საქმეში; მიღებული აქვს სახელმწიფო და საუწყებო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.702