გიორგი ჭუბაბრია

დაბადების ადგილი: სოფელი წითელი ვარსკვლავი, ხონის რაიონი.

დაამთავრა აზერბაიჯანის სასოფლო-სამეურნეო ინსტიტუტის ჰიდროტექნიკური ფაკულტეტი 1935 წელს.

1927-1930წწ. მუშაობდა ტირიფონისა და ალაზნის არხების მშენებლობაზე; 1930-1935წწ. სამშენებლო გაერთიანება ნატახტარმშენში" სამუშაოთა მწარმოებლად; 1937-1940წწ. საპროექტო ინსტიტუტ "თბილქალაქპროექტში" ინჟინერ-დამპროექტებლად; 1940-1941წწ. საქართველოს წყალთა მეურნეობის სახალხო კომისარიატის საძიებო ჯგუფის ხელმძღვანელად; 1941-1942წწ. შინაგან საქმეთა სახალხო კომისარიატის აეროდრომების მშენებლობაზე სამშენებლო უბნის უფროსად; 1942-1944წწ. თბილისის საქალაქო საბჭოს აღმასკომის წყალმომარაგების სამმართველოს "თბილწყალსადენის" ტექნიკური განყოფილების უფროსად; 1944 წლიდან იყო საპროექტო ინსტიტუტ "თბილქალაქპროექტის" უფროსი ინჟინერი, პროექტის მთავარი ინჟინერი, სექტორის უფროსი; იყო ნატახტარის წყალსადენის მშენებლობის სათაო ნაგებობის სამუშაოთა მწარმოებელი, ბულაჩაურის წყალსადენის დაპროექტების მონაწილე; წყნეთის, კოჯრის, კიკეთის წყალმომარაგების, თბილისის ვაკისა და საბურთალოს რაიონების კომპლექსური ნიაღვარსადენი კანალიზაციის, ორგანული სასუქების ქარხნისა და სხვა ობიექტის პროექტის მთავარი ინჟინერი და ავტორი; ჰქონდა სამეცნიერო-ტექნიკური და გამოყენებითი ხასიათის მრავალი ნაშრომი და არაერთი რაციონალიზატორული წინადადება; არჩეული იყო საქართველოს რიგი ორგანიზაციების სამეცნიერო-ტექნიკური საბჭოების მუდმივმოქმედი კომისიების წევრად.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.705-706; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.104

• 1998 - ღირსების ორდენი
  საქართველოში ჰიდროტექნიკური კომუნალურ-საინჟინრო ნაგებობათა მშენებლობაში შეტანილი პირადი დიდი წვლილისა და ნაყოფიერი საზოგადოებრივი სამეცმიერო მოღვაწეობისათვის