ჯემალ ჭიჭინაძე

დაბადების ადგილი: ქ. თბილისი.

დაამთავრა თბილისის უცხო ენათა პედაგოგიური ინსტიტუტის გერმანული ენის ფაკულტეტი 1959 წელს და მოსკოვის სცენარისტთა და რეჟისორთა უმაღლესი კურსები 1969 წელს.

1959-1969 წწ. მუშაობდა კინოსტუდია "ქართულ ფილმში" რეჟისორის ასისტენტად, შემდეგ - ქდსპფ (ქრონიკალურ-დოკუმენტური და სამეცნიერო-პოპულარული ფილმების სტუდია) სტუდიაში რეჟისორად. 1982-1991 წწ. გაერთიანება "ეკრანის" სამხატვრო ხელმძღვანელია. გადაიღო 50-დე დოკუმენტური ფილმი, მათ შორის აღსანიშნავია: "გულიდან გულამდე" (1970), "შორეული ახლობლები" (1975), "თბილისობა" (1982), "ტყე შეუნახე შვილებსა" (1985), "თუშური ჩანახატები" (1987), "აჭარა" (1988), "ქართული ცეკვები" (1995), "ქართული საგალობლები" (1996), "ყირიმელი ქართველები" (1997) და სხვ. მიღებული აქვს ვარნის საერთაშორისო კინოფესტივალის პრიზი
ფილმისთვის "გულიდან გულამდე". კინოდოკუმენტალისტი.

წყარო: ქართული კინო, 1896-2011.- თბ., 2011.- გვ. 216; ეროვნული ფილმოგრაფიის პორტალი: geocinema.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.123

• საქართველოს კინემატოგრაფისთა კავშირი, წევრი

• 1999 - ღირსების ორდენი
  ქართული კინოხელოვნების განვითარებაში შეტანილი პირადი დიდი წვლილისა და ნაყოფიერი შემოქმედებითი მოღვაწეობისათვის
• 1982 - საქართველოს ხელოვნების დამსახურებული მოღვაწე