გურამ ხაინდრავა

დაბადების ადგილი: ქ. წულუკიძე (ახლანდელი ხონი).

დაამთავრა საქართველოს სასოფლო-სამეურნეო ინსტიტუტი 1958 წელს.

1958-1966წწ. მუშაობდა ლაგოდეხის, ხობისა და ლანჩხუთის საბჭოთა მეურნეობის ინჟინერ-მექანიკოსად, მთავარ მექანიკოსად, მთავარ ინჟინრად; 1967-1976წწ. ხელმძღვანელობდა ფოთის ავტოსატრანსპორტო საწარმოსა და საქართველოს მშენებლობის სამინისტროს მექანიზაციის ტრესტის სამმართველოს; 1977-1994წწ. იყო სამშენებლო გაერთიანება "საქმთავარწყალმშენის" სამშენებლო ტრესტ "კოლხეთმშენის" N7 მოძრავ-მექანიზებული კოლონის უფროსის მოადგილე, უფროსი, ტრესტის მთავარი მექანიკოსი; 1994 წლიდან სათავეში ედგა სამშენებლო სამმართველო "კოლხეთმშენს"; მონაწილეობდა და ხელმძღვანელობდა კოლხეთის დაბლობის დაშრობა-ათვისების სამუშაოებს, ქ. ფოთის კომუნალური დანიშნულების ობიექტების მშენებლობას; არჩეული იყო ფოთის საქალაქო საბჭოს დეპუტატად; მიღებული ჰქონდა სახელმწიფო ჯილდოები და საუწყებო სიგელები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.711; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.165

• 2001 - ღირსების ორდენი