ნოდარ ხარაბაძე

დაბადების ადგილი: სოფელი ფერსათი, ბაღდათის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1965 წელს.

1965-1982წწ. შრომითი საქმიანობა დაიწყო საქართველოს მშენებლობის სამინისტროს სამშენებლო გაერთრიანება "მთავართბილმშენის" სპეციალიზებულ სამშენებლო სამმართველოში მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად, უბნისა და სამმართველოს უფროსად; 1982 წელს დაინიშნა N15 სამშენებლო ტრესტის (შემდეგში N2 სახლსაშენი კომბინატი) მმართველად; იყო ამბროლაურის, ტყიბულისა და ცაგერის რაიონების აღდგენითი სამუშაოების კომპლექსის უფროსი, საწარმოო და სამშენებლო გაერთიანება "საქქალაქმშენის" თავმჯდომარის მოადგილე; გაერთიანება "საქქალაქმშენის" გაუქმების შემდეგ იყო სს "მშენებელ-1996"-ის სამეთვალყურეო საბჭოს თავმჯდომარე; მონაწილეობდა და ხელმძღვანელობდა ქ. თბილისის საცხოვრებელი მიკრორაიონების საბინაო და სოციალურ-საგანმანათლებლო დანიშნულების ობიექტების მშენებლობას; ახალგაზრდობაში აქტიურად მისდევდა სპორტს: იყო 1958 წლის სსრკ ხალხთა სპარტაკიადის გამარჯვებული, საბჭოთა კავშირის 1962 წლის ჩემპიონი და 1964 წლის მსოფლიო ჩემპიონატის ბრინჯაოს პრიზიორი ჭიდაობაში; მიღებული ჰქონდა სახელმწიფო და საუწყებო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.712; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.238

• 2000 - ღირსების ორდენი